Latgaliešu tautasdziesma
Latgaliešu tautasdziesma
1.
Auga, auga rūžeņa
Sorkonā duorz,.
Zam tū rūžu, zam tū rūžu
Guļ jauna meiteņa.
2.
Ej, meiteņ, ej, meiteņ,
Tevi muote sauce.
Zynu, zynu, prūtu, prūtu,
Kam maņ' muote sauce.
3.
Gryb mani muote
Pi tuo vacuo atdūt.
Es tuo vacuo, es tuo vacuo
Moza nagribieju.
4.
Es tū(i) vacū
Pa vuortim(i) raideju,
Pa vuortim(i) raideju,
Ar akmini svīžu.
5.
Ej, vacais, ej vacais,
Nasaver(i) atpakaļ!
Kab tu tai nūītu,
Ka naatsagrīztu!
6.
Ej, meiteņ, ej, meiteņ,
Tevi muote sauce.
Zynu, zynu, prūtu, prūtu,
Kam maņ' muote sauce.
7.
Gryb mani muote,
Pi tuo jaunuo atdūt;
Es tū jaunū, es tū jaunū
Moza īmīļuoju.
8.
Klauseišu mamenis,
Pi tuo jaunuo īšu;
Es tam jaunam, es tam jaunam
Vaiņuceņu dūšu.
9.
Es tū(i) jaunū
Pa vuortim(i) pavadeju,
Pa vuortim(i) pavadeju,
Ar uobeli svīžu.
10.
Ej, jaunais, ej, jaunais,
Atsaver(i) atpakaļ.
Kab tu tai nūītu,
Ka tu atsagrīztu!