Latgaliešu tautasdziesma
Latgaliešu tautasdziesma
1.
Kur gaismeņa zyla ausa,
kur sauleite lēce,
Myus muoseņa skaista auga
I tauteņas brauce.
2.
Cīma suņi rēje,
tauteņas brauce,
Zvoni vīn(i) saskanēje
Muna tāva pogolmā.
3.
Siermi zyrgi sagrūžuoti,
Sudabreņa īmavim
Kamaneņas izraksteitas
Speid ar zalta zīdeņim.
4.
Tautu dāls(i) kai kundzeņis
Skrullātim(i) mateņim
Skrullātim(i) mateņim,
Mozim spūžim zuobokim.
5.
Viere durvis spēre sūli,
lobu dīnu deve
"Voi atdūsit' sov' muoseņu,
mes tī precinīki!"
6.
Vīna poša myus' muoseņa
I jei vieļ par jaunu,
Jei vieļ dzievuos pīci godi
sova tāva sātā.
7.
Zeida kūrpes vieļ našyutas,
vyllaineites nareksteit's,
Smolkas mirtes vieļ nasātys
deļ vaiņuka mozuo.
8.
Gona, bruoleit, tovu runu,
tei nav gona tīsa
Koč es jauna, bet gotova
īt ar tautom leidza.
9.
Zeida kūrpes jau sašyutas,
vyllaineites izraksteit's,
Smolkas mirtes jau sasātys
deļ vaiņuka mozuo.